hum jahan the hum wahin pe rah gae

ham jahāñ the ham vahīñ pe rah ga.e

aap kā kyā aap aa.e kah ga.e

shāyad un kī āmadoñ kī raah ho

dekhte hī dekhte ham rah ga.e

umr guzrī hai tumhārī yaad meñ

is safar meñ kyā se kyā ham sah ga.e

ab tumheñ ham kyā kaheñ tum ġhair ho

hasratoñ ke ashk the jo bah ga.e

raah meñ huuñ mai-kashoñ kī dekhiye

baat kahnī thī nahīñ vo kah ga.e

muntazir hī ishq meñ ahsan rahā

sādgī se alvidā.a vo kah ga.e

hum jahan the hum wahin pe rah gae

aap ka kya aap aae kah gae

shayad un ki aamadon ki rah ho

dekhte hi dekhte hum rah gae

umr guzri hai tumhaari yaad mein

is safar mein kya se kya hum sah gae

ab tumhein hum kya kahen tum ghair ho

hasraton ke ashk the jo bah gae

rah mein hun mai-kashon ki dekhiye

baat kahni thi nahin wo kah gae

muntazir hi ishq mein ahsan raha

sadgi se alwidaa wo kah gae