hum jurm-e-mohabbat ki saza pae hue hain

ham jurm-e-mohabbat kī sazā paa.e hue haiñ

be-vaj.h nahīñ hai ki jo sharmā.e hue haiñ

thī jin kī tab o taab se is bazm kī raunaq

dīpak vo sar-e-shām hī kajlā.e hue haiñ

har samt siyāhī hai ghaTā-Top añdherā

kyā zulf-e-dotā aaj vo bikhrā.e hue haiñ

ham ḳhūgar-e-taslīm-o-razā aaj haiñ varna

maazī meñ bahut Thokareñ bhī khaa.e hue haiñ

hai barbat-e-dil saḳhti-e-mizrāb se larzāñ

talḳhi-e-mohabbat kā maza paa.e hue haiñ

ai dost sukūñ ham ko mayassar nahīñ hotā

āshuftagī-e-dahr se ghabrā.e hue haiñ

hum jurm-e-mohabbat ki saza pae hue hain

be-wajh nahin hai ki jo sharmae hue hain

thi jin ki tab o tab se is bazm ki raunaq

dipak wo sar-e-sham hi kajlae hue hain

har samt siyahi hai ghaTa-Top andhera

kya zulf-e-dota aaj wo bikhrae hue hain

hum KHugar-e-taslim-o-raza aaj hain warna

mazi mein bahut Thokaren bhi khae hue hain

hai barbat-e-dil saKHti-e-mizrab se larzan

talKHi-e-mohabbat ka maza pae hue hain

ai dost sukun hum ko mayassar nahin hota

aashuftagi-e-dahr se ghabrae hue hain