hum kab us rah se guzarte hain

ham kab us raah se guzarte haiñ

apnī āvārgī se Darte haiñ

kashtiyāñ Duub bhī to saktī haiñ

Duub kar bhī to paar utarte haiñ

toḌ kar rishta-e-ḳhulūs ahbāb

āñsuoñ kī tarah bikharte haiñ

apne ehsās kī kasauTī par

ham bhī puure kahāñ utarte haiñ

chāhe kaisā hī daur aa jaa.e

apne hālāt kab sañvarte haiñ

sat.h par haiñ hubāb ke ḳheme

Dūbne vaale kab ubharte haiñ

ek hālat pe ham nahīñ rahte

jam.a hote haiñ phir bikharte haiñ

zindagī tere naam kar dī thī

ab tirā naam le ke marte haiñ

rañj o rāhat kī kashmakash meñ 'shakīl'

umr ke qāfile guzarte haiñ

hum kab us rah se guzarte hain

apni aawargi se Darte hain

kashtiyan Dub bhi to sakti hain

Dub kar bhi to par utarte hain

toD kar rishta-e-KHulus ahbab

aansuon ki tarah bikharte hain

apne ehsas ki kasauTi par

hum bhi pure kahan utarte hain

chahe kaisa hi daur aa jae

apne haalat kab sanwarte hain

sath par hain hubab ke KHeme

Dubne wale kab ubharte hain

ek haalat pe hum nahin rahte

jama hote hain phir bikharte hain

zindagi tere nam kar di thi

ab tera nam le ke marte hain

ranj o rahat ki kashmakash mein 'shakil'

umr ke qafile guzarte hain