hum KHudai ka dawa to karte nahin

ham ḳhudā.ī kā da.avā to karte nahīñ

bandagī par bhī puure utarte nahīñ

yuuñ to qaa.em haiñ īmāñ pe apne magar

dil ke vahm-o-gumāñ se mukarte nahīñ

juzv-e-haq haiñ nahīñ ham kisī ke mutī.a

ḳhud pe nāzāñ haiñ bātil se Darte nahīñ

apnī ḳhud-e'timādī kā aalam hai ye

TuuT jaane pe bhī ham bikharte nahīñ

dil meñ jab tak na ho ik kasak dard kī

ādamiyyat ke jauhar nikharte nahīñ

hai na duniyā hī apnī na apnā ḳhudā

be-kasī ke ye din ab guzarte nahīñ

hum KHudai ka dawa to karte nahin

bandagi par bhi pure utarte nahin

yun to qaem hain iman pe apne magar

dil ke wahm-o-guman se mukarte nahin

juzw-e-haq hain nahin hum kisi ke mutia

KHud pe nazan hain baatil se Darte nahin

apni KHud-e'timadi ka aalam hai ye

TuT jaane pe bhi hum bikharte nahin

dil mein jab tak na ho ek kasak dard ki

aadamiyyat ke jauhar nikharte nahin

hai na duniya hi apni na apna KHuda

be-kasi ke ye din ab guzarte nahin