hum ki maghlub-e-guman the pahle

ham ki maġhlūb-e-gumāñ the pahle

phir vahīñ haiñ ki jahāñ the pahle

ḳhvāhisheñ jhurriyāñ ban kar ubhrīñ

zaḳhm siine meñ nihāñ the pahle

ab to har baat pe ro dete haiñ

vāqif-e-sūd-o-ziyāñ the pahle

dil se jaise koī kāñTā niklā

ashk āñkhoñ se ravāñ the pahle

ab faqat anjuman-ārā.ī hai

e'tibār-e-dil-o-jāñ the pahle

dosh pe sar hai ki hai barf jamī

ham ki sho.aloñ kī zabāñ the pahle

ab to har taaza sitam hai taslīm

hādse dil pe girāñ the pahle

merī ham-zād hai tanhā.ī mirī

aise rishte bhī kahāñ the pahle

hum ki maghlub-e-guman the pahle

phir wahin hain ki jahan the pahle

KHwahishen jhurriyan ban kar ubhrin

zaKHm sine mein nihan the pahle

ab to har baat pe ro dete hain

waqif-e-sud-o-ziyan the pahle

dil se jaise koi kanTa nikla

ashk aankhon se rawan the pahle

ab faqat anjuman-arai hai

e'tibar-e-dil-o-jaan the pahle

dosh pe sar hai ki hai barf jami

hum ki shoalon ki zaban the pahle

ab to har taza sitam hai taslim

hadse dil pe giran the pahle

meri ham-zad hai tanhai meri

aise rishte bhi kahan the pahle