hum ko hanste hue chehron ki nazar lagti hai

ham ko hañste hue chehroñ kī nazar lagtī hai

ġhair to duur haiñ apnoñ kī nazar lagtī hai

duudh piite hue bal khāte hue dekhte haiñ

sirf sāñpoñ ko saperoñ kī nazar lagtī hai

mustaqil dauḌte dekhā nahīñ jaatā un se

merī raftār ko rastoñ kī nazar lagtī hai

aap aate haiñ nazar mere suḳhan meñ aksar

aap ke husn ko ġhazloñ kī nazar lagtī hai

ham haiñ jis haal meñ dekhā nahīñ jaatā un se

ham bure logoñ ko achchhoñ kī nazar lagtī hai

sāmne aa.eñ to nazreñ nahīñ haTtīñ apnī

ḳhvāb meñ aa.eñ to nīñdoñ kī nazar lagtī hai

apne sheroñ kī ziyāda nahīñ karte tārīf

kyoñ ki bachchoñ ko bhī maaoñ kī nazar lagtī hai

hum ko hanste hue chehron ki nazar lagti hai

ghair to dur hain apnon ki nazar lagti hai

dudh pite hue bal khate hue dekhte hain

sirf sanpon ko saperon ki nazar lagti hai

mustaqil dauDte dekha nahin jata un se

meri raftar ko raston ki nazar lagti hai

aap aate hain nazar mere suKHan mein aksar

aap ke husn ko ghazlon ki nazar lagti hai

hum hain jis haal mein dekha nahin jata un se

hum bure logon ko achchhon ki nazar lagti hai

samne aaen to nazren nahin haTtin apni

KHwab mein aaen to nindon ki nazar lagti hai

apne sheron ki ziyaada nahin karte tarif

kyon ki bachchon ko bhi maon ki nazar lagti hai