hum ko hawas-e-jalwa-gah-e-tur nahin hai

Syed Yusuf Ali Khan Nazim

hum ko hawas-e-jalwa-gah-e-tur nahin hai

Syed Yusuf Ali Khan Nazim

MORE BYSyed Yusuf Ali Khan Nazim

    ham ko havas-e-jalva-gāh-e-tūr nahīñ hai

    us husn kyā qadr jo mastūr nahīñ hai

    afsāna-e-majnūñ se nahīñ kam mirā qissa

    is baat ko jaane do ki mash.hūr nahīñ hai

    ka.abe ko chale jaa.eñ dar-e-dost se uTh kar

    par us satānā hameñ manzūr nahīñ hai

    vo merī ayādat ko zarūr ā.eñgī hamdam

    kahte haiñ ki makkār hai ranjūr nahīñ hai

    khilne se bhalā us ke dukhe kyuuñ dil-e-bulbul

    hai ġhuncha-e-gul zaḳhm añgūr nahīñ hai

    dāvat se musaḳhḳhar ho na taa.at se mayassar

    huuñ jis pe fidā vo parī-o-hūr nahīñ hai

    mushrik kahe āshiq ko jo le naam ḳhudā

    sach kahte ho us shoḳh se kuchh duur nahīñ hai

    ho raat to jiite raheñ ummīd-e-sahar par

    ye roz-e-siyah shab-e-dījūr nahīñ hai

    'nāzim' maiñ paḌhātā use 'ġhālib' ke qasā.ed

    afsos ki 'ḳhāqānī'-e-maġhfūr nahīñ hai

    hum ko hawas-e-jalwa-gah-e-tur nahin hai

    us husn ki kya qadr jo mastur nahin hai

    afsana-e-majnun se nahin kam mera qissa

    is baat ko jaane do ki mashhur nahin hai

    kabe ko chale jaen dar-e-dost se uTh kar

    par us ka satana hamein manzur nahin hai

    wo meri ayaadat ko zarur aaengi hamdam

    kahte hain ki makkar hai ranjur nahin hai

    khilne se bhala us ke dukhe kyun dil-e-bulbul

    hai ghuncha-e-gul zaKHm ka angur nahin hai

    dawat se musaKHKHar ho na taat se mayassar

    hun jis pe fida wo pari-o-hur nahin hai

    mushrik kahe aashiq ko jo le nam KHuda ka

    sach kahte ho us shoKH se kuchh dur nahin hai

    ho raat to jite rahen ummid-e-sahar par

    ye roz-e-siyah hi shab-e-dijur nahin hai

    'nazim' main paDhata use 'ghaalib' ke qasaed

    afsos ki 'KHaqani'-e-maghfur nahin hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY