hum ko kab hai ye shikwa hum rahe hain kab tanha

ham ko kab hai ye shikva ham rahe haiñ kab tanhā

ġham bhī saath aa.e haiñ ham chale haiñ jab tanhā

maslahat-parastoñ kī pur-fareb mahfil meñ

dekhiye to sab yakjā jāñchiye to sab tanhā

vo thā jab to jalve the vo nahīñ to yādeñ haiñ

ham rahe na jab tanhā aur haiñ na ab tanhā

dostoñ se khiñchne kī vajah koī to hogī

varna kaun rahtā hai aise be-sabab tanhā

sāhib-e-amal sab hī rif.atoñ ke hāmil haiñ

pastiyoñ meñ baiThe haiñ sāhib-e-nasab tanhā

munharif na ho haq se haq se munharif ho kar

tum bhī rah hī jāoge misl-e-bū-lahab tanhā

kaun rok saktā thā bas hamīñ ne roke haiñ

zulm-o-jabr-o-jaur un ke aur ham ġhazab tanhā

aap ne guzāre haiñ aap kyā guzāreñge

jis tarah guzāre haiñ ham ne roz-o-shab tanhā

haiñ vatan-faroshoñ meñ lan-tarāniyāñ kitnī

aur ham ki baiThe haiñ sī ke apne lab tanhā

hum ko kab hai ye shikwa hum rahe hain kab tanha

gham bhi sath aae hain hum chale hain jab tanha

maslahat-paraston ki pur-fareb mahfil mein

dekhiye to sab yakja jaanchiye to sab tanha

wo tha jab to jalwe the wo nahin to yaaden hain

hum rahe na jab tanha aur hain na ab tanha

doston se khinchne ki wajah koi to hogi

warna kaun rahta hai aise be-sabab tanha

sahib-e-amal sab hi rifaton ke hamil hain

pastiyon mein baiThe hain sahib-e-nasab tanha

munharif na ho haq se haq se munharif ho kar

tum bhi rah hi jaoge misl-e-bu-lahab tanha

kaun rok sakta tha bas hamin ne roke hain

zulm-o-jabr-o-jaur un ke aur hum ghazab tanha

aap ne guzare hain aap kya guzarenge

jis tarah guzare hain hum ne roz-o-shab tanha

hain watan-faroshon mein lan-taraniyan kitni

aur hum ki baiThe hain si ke apne lab tanha