aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hum ko tanhai hi tanhai nazar aati hai

Mukhtar Tilhari

hum ko tanhai hi tanhai nazar aati hai

Mukhtar Tilhari

MORE BYMukhtar Tilhari

    ham ko tanhā.ī tanhā.ī nazar aatī hai

    jo tumheñ anjuman-ārā.ī nazar aatī hai

    is liye dil ke hare zaḳhm hue haiñ shāyad

    chashm-e-ehsās ko purvā.ī nazar aatī hai

    aap ke sher meñ alfāz to jaise hoñ magar

    aap ke sher meñ gahrā.ī nazar aatī hai

    is liye aur bhī suntā huuñ unheñ ġhaur se maiñ

    un har baat meñ gīrā.ī nazar aatī hai

    merī hālat ke faqat aap tamāshā.ī nahīñ

    saarī duniyā tamāshā.ī nazar aatī hai

    vo khulī āñkhoñ meñ bīnā.ī kahāñ se aa.e

    band āñkhoñ meñ jo bīnā.ī nazar aatī hai

    aap mahfil meñ jo ḳhāmosh rahā karte haiñ

    is meñ bhī aap dānā.ī nazar aatī hai

    pahle tanhā.ī bhī mahfil maza detī thī

    aaj mahfil meñ bhī tanhā.ī nazar aatī hai

    aap ko sher nazar aate haiñ lekin 'muḳhtār'

    ham ko ye qāfiya-paimā.ī nazar aatī hai

    hum ko tanhai hi tanhai nazar aati hai

    jo tumhein anjuman-arai nazar aati hai

    is liye dil ke hare zaKHm hue hain shayad

    chashm-e-ehsas ko purwai nazar aati hai

    aap ke sher mein alfaz to jaise hon magar

    aap ke sher mein gahrai nazar aati hai

    is liye aur bhi sunta hun unhen ghaur se main

    un ki har baat mein girai nazar aati hai

    meri haalat ke faqat aap tamashai nahin

    sari duniya hi tamashai nazar aati hai

    wo khuli aankhon mein binai kahan se aae

    band aankhon mein jo binai nazar aati hai

    aap mahfil mein jo KHamosh raha karte hain

    is mein bhi aap ki danai nazar aati hai

    pahle tanhai bhi mahfil ka maza deti thi

    aaj mahfil mein bhi tanhai nazar aati hai

    aap ko sher nazar aate hain lekin 'muKHtar'

    hum ko ye qafiya-paimai nazar aati hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now