hum ko to bas phul khilana aata hai

ham ko to bas phuul khilānā aatā hai

tum ko shāyad aag lagānā aatā hai

ta.abīroñ kā saudā kis ko sauñp diyā

maanā tum ko ḳhvāb dikhānā aatā hai

lauT ke jaanā chāho to jā sakte ho

ham ko to bas aage jaanā aatā hai

pal pal ishq kī mazdūrī meñ sarf kare

kis ko itnā naam kamānā aatā hai

naqsh banānā aur kisī kā kaam sahī

ā.īne ko aks banānā aatā hai

aur to kuchh nahīñ aatā ham be-ḳhabaroñ ko

terī galī meñ ānā-jānā aatā hai

hum ko to bas phul khilana aata hai

tum ko shayad aag lagana aata hai

tabiron ka sauda kis ko saunp diya

mana tum ko KHwab dikhana aata hai

lauT ke jaana chaho to ja sakte ho

hum ko to bas aage jaana aata hai

pal pal ishq ki mazduri mein sarf kare

kis ko itna nam kamana aata hai

naqsh banana aur kisi ka kaam sahi

aaine ko aks banana aata hai

aur to kuchh nahin aata hum be-KHabaron ko

teri gali mein aana-jaana aata hai