hum ko us shoKH ne kal dar talak aane na diya

Zain-ul-Abideen Khan Arif

hum ko us shoKH ne kal dar talak aane na diya

Zain-ul-Abideen Khan Arif

MORE BYZain-ul-Abideen Khan Arif

    ham ko us shoḳh ne kal dar talak aane na diyā

    dar-o-dīvār ko bhī haal sunāne na diyā

    parda-e-chashm meñ har dam to chhupā.e aañsū

    be-qarārī ne mujhe raaz chhupāne na diyā

    mujh ko ālūda rakhā is mirī gumrāhī ne

    araq-e-sharm-e-gunah bhī to bahāne na diyā

    tere kahne se maiñ ab lā.ūñ kahāñ se nāseh

    sabr jab is dil-e-muztar ko ḳhudā ne na diyā

    man.a hai bas ki ḳhur-o-ḳhvāb hameñ ġham meñ tere

    mar ke sone na diyā zahr bhī khāne na diyā

    huuñ sitamgar maiñ jafāoñ se tirī sharminda

    nā-tavānī ne mujhe sar bhī uThāne na diyā

    dam aanā to baḌī baat hai lab par 'ārif'

    zo.af ne harf-e-shikāyat kabhī aane na diyā

    hum ko us shoKH ne kal dar talak aane na diya

    dar-o-diwar ko bhi haal sunane na diya

    parda-e-chashm mein har dam to chhupae aansu

    be-qarari ne mujhe raaz chhupane na diya

    mujh ko aaluda rakha is meri gumrahi ne

    araq-e-sharm-e-gunah bhi to bahane na diya

    tere kahne se main ab laun kahan se naseh

    sabr jab is dil-e-muztar ko KHuda ne na diya

    mana hai bas ki KHur-o-KHwab hamein gham mein tere

    mar ke sone na diya zahr bhi khane na diya

    hun sitamgar main jafaon se teri sharminda

    na-tawani ne mujhe sar bhi uThane na diya

    dam ka aana to baDi baat hai lab par 'arif'

    zoaf ne harf-e-shikayat kabhi aane na diya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY