aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hum kuchh is tarah hayat-e-guzaran se guzre

Shahab Sarmadi

hum kuchh is tarah hayat-e-guzaran se guzre

Shahab Sarmadi

MORE BYShahab Sarmadi

    ham kuchh is tarah hayāt-e-guzarāñ se guzre

    jaise ehsās koī ḳhvāb-e-girāñ se guzre

    yuuñ haqā.eq mirī chashm-e-nigarāñ se guzre

    jaise ik mauj-e-havā āb-e-ravāñ se guzre

    āgahī ain haqīqat hai magar shart ye hai

    pahle taufīq-e-yaqīñ hadd-e-gumāñ se guzre

    baaġh dard usī phuul ke dil se pūchho

    muskurātā huā jo daur-e-ḳhizāñ se guzre

    dil har baat hai kahnī magar aise meñ nahīñ

    harf-e-mauzūa hadīs-e-digarāñ se guzre

    ḳhāk-ālūd huī aisī guzar-gāh-e-nasīm

    bū-e-gul chīḳh paḌī haa.e kahāñ se guzre

    zindagī se ye batā do ki hai manzil kuchh duur

    jald kashmakash-e-sūd-o-ziyāñ se guzre

    ab nigāheñ vo kaheñgī jo zabāñ kahtī thī

    ruḳhsat ai dost ki ham lafz-o-bayāñ se guzre

    har kalī jaama se bāhar huī jaatī hai 'shahāb'

    dekhiye qāfila-e-rang kahāñ se guzre

    hum kuchh is tarah hayat-e-guzaran se guzre

    jaise ehsas koi KHwab-e-giran se guzre

    yun haqaeq meri chashm-e-nigaran se guzre

    jaise ek mauj-e-hawa aab-e-rawan se guzre

    aagahi ain haqiqat hai magar shart ye hai

    pahle taufiq-e-yaqin hadd-e-guman se guzre

    bagh ka dard usi phul ke dil se puchho

    muskuraata hua jo daur-e-KHizan se guzre

    dil ki har baat hai kahni magar aise mein nahin

    harf-e-mauzua hadis-e-digaran se guzre

    KHak-alud hui aisi guzar-gah-e-nasim

    bu-e-gul chiKH paDi hae kahan se guzre

    zindagi se ye bata do ki hai manzil kuchh dur

    jald hi kashmakash-e-sud-o-ziyan se guzre

    ab nigahen wo kahengi jo zaban kahti thi

    ruKHsat ai dost ki hum lafz-o-bayan se guzre

    har kali jama se bahar hui jati hai 'shahab'

    dekhiye qafila-e-rang kahan se guzre

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now