hum kya jaanen qissa kya hai hum Thahre diwane log

Rahi Masoom Raza

hum kya jaanen qissa kya hai hum Thahre diwane log

Rahi Masoom Raza

MORE BYRahi Masoom Raza

    ham kyā jāneñ qissa kyā hai ham Thahre dīvāne log

    us bastī ke bāzāroñ meñ roz kaheñ afsāne log

    yādoñ se bachnā mushkil hai un ko kaise samjhā.eñ

    hijr ke is sahrā tak ham ko aate haiñ samjhāne log

    kaun ye jaane dīvāne par kaisī saḳht guzartī hai

    aapas meñ kuchh kah kar hañste haiñ jaane pahchāne log

    phir sahrā se Dar lagtā hai phir shahroñ yaad aa.ī

    phir shāyad aane vaale haiñ zanjīreñ pahnāne log

    ham to dil vīrānī bhī dikhlāte sharmāte haiñ

    ham ko dikhlāne aate haiñ zehnoñ ke vīrāne log

    us mahfil meñ pyaas izzat karne vaalā hogā kaun

    jis mahfil meñ toḌ rahe hoñ ā.ankhoñ se paimāne log

    hum kya jaanen qissa kya hai hum Thahre diwane log

    us basti ke bazaron mein roz kahen afsane log

    yaadon se bachna mushkil hai un ko kaise samjhaen

    hijr ke is sahra tak hum ko aate hain samjhane log

    kaun ye jaane diwane par kaisi saKHt guzarti hai

    aapas mein kuchh kah kar hanste hain jaane pahchane log

    phir sahra se Dar lagta hai phir shahron ki yaad aai

    phir shayad aane wale hain zanjiren pahnane log

    hum to dil ki virani bhi dikhlate sharmate hain

    hum ko dikhlane aate hain zehnon ke virane log

    us mahfil mein pyas ki izzat karne wala hoga kaun

    jis mahfil mein toD rahe hon aaankhon se paimane log

    Source :
    • Book : ajnabi-shahr-ajnabi-raaste(rekhta website) (Pg. 167)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY