hum log apni rah ki diwar ho gae
ham log apnī raah kī dīvār ho ga.e
ya.anī ki maslahat meñ giraftār ho ga.e
ab to buland aur zarā hausla karo
patthar jo mel ke the vo dīvār ho ga.e
tūfāñ meñ ham ko chhoḌ ke jaane kā shukriya
ab apne haath paañv hī patvār ho ga.e
ghar ko girāne vaale siyāsī mizāj the
ġham meñ sharīk ho ke vo ġham-ḳhvār ho ga.e
parde kī baat parde pe khul kar jo aa ga.ī
bachche samay se pahle samajhdār ho ga.e
itnī zarā sī baat pe hairān hai mizāj
kāġhaz ke phuul kaise mahak-dār ho ga.e
hum log apni rah ki diwar ho gae
yani ki maslahat mein giraftar ho gae
ab to buland aur zara hausla karo
patthar jo mel ke the wo diwar ho gae
tufan mein hum ko chhoD ke jaane ka shukriya
ab apne hath panw hi patwar ho gae
ghar ko girane wale siyasi mizaj the
gham mein sharik ho ke wo gham-KHwar ho gae
parde ki baat parde pe khul kar jo aa gai
bachche samay se pahle samajhdar ho gae
itni zara si baat pe hairan hai mizaj
kaghaz ke phul kaise mahak-dar ho gae
Source:
Main Ashok Hoon Main Mizaj Bhee (Pg. 53)
- Author: Ashok Mizaj Badr
-
- Edition: 2017
- Publisher: Shere Acadami, Bhopal
- Year of Publication: 2017
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
