hum log na nikle to safar kaun karega

ham log na nikle to safar kaun karegā

duniyā ko haqīqat kī ḳhabar kaun karegā

phir koh-kanī kā hai taqāzā koī aa.e

ik kaam hai karne kā magar kaun karegā

ham ne to charāġhoñ kī tarah farz nibhāyā

ab raat kī kālak ko sahar kaun karegā

alfāz kī bochhāḌ hai aur gosh-e-samā.at

kyā jāniye patthar pe asar kaun karegā

be-rahmī-e-hālāt hai hathiyār sambhālo

bhāgoge to sīnoñ ko sipar kaun karegā

phir kaun luTā degā dil-o-jān sar-e-bazm

phir zulf-e-girah-gīr ko sar kaun karegā

hum log na nikle to safar kaun karega

duniya ko haqiqat ki KHabar kaun karega

phir koh-kani ka hai taqaza koi aae

ek kaam hai karne ka magar kaun karega

hum ne to charaghon ki tarah farz nibhaya

ab raat ki kalak ko sahar kaun karega

alfaz ki bochhaD hai aur gosh-e-samaat

kya jaaniye patthar pe asar kaun karega

be-rahmi-e-haalat hai hathiyar sambhaalo

bhagoge to sinon ko sipar kaun karega

phir kaun luTa dega dil-o-jaan sar-e-bazm

phir zulf-e-girah-gir ko sar kaun karega