hum na pyase hain na pani ke liye aae hain

ham na pyāse haiñ na paanī ke liye aa.e haiñ

tere hamrāh ravānī ke liye aa.e haiñ

ohda-e-ishq se barḳhāst ham is duniyā meñ

ḳhaak kī ḳhuld-makānī ke liye aa.e haiñ

mahfil-e-hāl meñ kal mazī-o-mustaqbil aa.e

aur kahā marsiya-ḳhvānī ke liye aa.e haiñ

qissa-go niiñd nahīñ aa.ī bahut din se hameñ

tire paas ek kahānī ke liye aa.e haiñ

zindagī chup na karā un ko ki bechāre ye jism

chand din charb-zabānī ke liye aa.e haiñ

'farhat-ehsās' ko ḳhāmosh na hone denā

ki miyāñ sidq-bayānī ke liye aa.e haiñ

hum na pyase hain na pani ke liye aae hain

tere hamrah rawani ke liye aae hain

ohda-e-ishq se barKHast hum is duniya mein

KHak ki KHuld-makani ke liye aae hain

mahfil-e-haal mein kal mazi-o-mustaqbil aae

aur kaha marsiya-KHwani ke liye aae hain

qissa-go nind nahin aai bahut din se hamein

tere pas ek kahani ke liye aae hain

zindagi chup na kara un ko ki bechaare ye jism

chand din charb-zabani ke liye aae hain

'farhat-ehsas' ko KHamosh na hone dena

ki miyan sidq-bayani ke liye aae hain