ham-nafas kya kahun kya kya shab-e-hijran dekha

ham-nafas kyā kahūñ kyā kyā shab-e-hijrāñ dekhā

maut to dekhī nahīñ maut kā sāmāñ dekhā

dil ke har dāġh-e-mohabbat ko farozāñ dekhā

ham ne ghar baiThe hue lutf-e-charāġhāñ dekhā

kā’ba-o-dair ga.e DhūñDne nā-fahmī thī

un ko dekhā bhī to nazdīk-e-rag-e-jāñ dekhā

naale bezār asar se haiñ asar naale se

dost ko dost kā dushman shab-e-hijrāñ dekhā

vo dil-e-zār ho merā ki ho sham’-e-sozāñ

jis ko dekhā tirī mahfil meñ pareshāñ dekhā

phir bahār aa.ī ḳhizāñ-dīda chaman meñ sad-shukr

aaj phir 'rāfat'-e-mahzūñ ko ġhazal-ḳhvāñ dekhā

ham-nafas kya kahun kya kya shab-e-hijran dekha

maut to dekhi nahin maut ka saman dekha

dil ke har dagh-e-mohabbat ko farozan dekha

hum ne ghar baiThe hue lutf-e-charaghan dekha

ka’ba-o-dair gae DhunDne na-fahmi thi

un ko dekha bhi to nazdik-e-rag-e-jaan dekha

nale bezar asar se hain asar nale se

dost ko dost ka dushman shab-e-hijran dekha

wo dil-e-zar ho mera ki ho sham’-e-sozan

jis ko dekha teri mahfil mein pareshan dekha

phir bahaar aai KHizan-dida chaman mein sad-shukr

aaj phir 'rafat'-e-mahzun ko ghazal-KHwan dekha