ham-navā mere mujh se judā ho ga.e
vo ḳhafā kyā hue sab ḳhafā ho ga.e
husn kā rāz-e-sar-basta khul jā.egā
lāla-o-gul agar lab-kushā ho ga.e
aap apne hī jalve the pesh-e-nazar
hasrateñ baḌh ga.iiñ aa.ina ho ga.e
ye mirā fan ki maiñ ne tarāshā jinheñ
pattharoñ ke vo but sab ḳhudā ho ga.e
jab se mahfil meñ tum jān-e-mahfil hue
bevafā sab ke sab bā-vafā ho ga.e
kaam aa hī gayā apnā dīvāna-pan
lazzat-e-sang se āshnā ho ga.e
dī 'asīr' apnī āñkhoñ meñ jin ko jagah
shahr-e-dil ke vo farmāñ-ravā ho ga.e
ham-nawa mere mujh se juda ho gae
wo KHafa kya hue sab KHafa ho gae
husn ka raaz-e-sar-basta khul jaega
lala-o-gul agar lab-kusha ho gae
aap apne hi jalwe the pesh-e-nazar
hasraten baDh gain aaina ho gae
ye mera fan ki main ne tarasha jinhen
pattharon ke wo but sab KHuda ho gae
jab se mahfil mein tum jaan-e-mahfil hue
bewafa sab ke sab ba-wafa ho gae
kaam aa hi gaya apna diwana-pan
lazzat-e-sang se aashna ho gae
di 'asir' apni aankhon mein jin ko jagah
shahr-e-dil ke wo farman-rawa ho gae
Source:
Toote Khilone (Pg. 66)
-
Author:
Aseer Jabalpuri
-
- Publisher: Aseer Jabalpuri
- Year of Publication: 1993
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.