ham ne bāñdhe haiñ us pe kyā kyā joḌ
par chalā ek bhī na fiqrā joḌ
joḌtā hai jo tū mohabbat kā
ham se zunnār-dār rishtā joḌ
sar-e-dushman na toḌiye kab tak
mujh pe chaltā hai vo hamesha joḌ
ai rafū-gar jo Taañk jāma-e-tan
taar taar aur purza purza joḌ
zulfiqār-e-alī kī tujh ko qasam
sar judā jis se ho vo fiqrā joḌ
nisbat-e-zulf jaise sumbul ko
vaise naafe kā mushk naafā joḌ
ham usī ko kaheñge ā.īna-sāz
de hamārā jo dil shikasta joḌ
mazhara be kā 'shād' urdu meñ
jāntā huuñ alif hī hai kā joḌ
hum ne bandhe hain us pe kya kya joD
par chala ek bhi na fiqra joD
joDta hai jo tu mohabbat ka
hum se zunnar-dar rishta joD
sar-e-dushman na toDiye kab tak
mujh pe chalta hai wo hamesha joD
ai rafu-gar jo Tank jama-e-tan
tar tar aur purza purza joD
zulfiqar-e-ali ki tujh ko qasam
sar juda jis se ho wo fiqra joD
nisbat-e-zulf jaise sumbul ko
waise nafe ka mushk nafa joD
hum usi ko kahenge aaina-saz
de hamara jo dil shikasta joD
mazhara be ka 'shad' urdu mein
jaanta hun alif hi hai ka joD
Source:
Sukhan-e-Bemisal: Deewan-e-Shad (pdf) and website (Pg. p-44 e-50 pdf-51)
-
Author:
Shad Lakhnavi
-
- Edition: 1901
- Publisher: Matbaa Tasweer-e- Alam, Lucknow
- Year of Publication: 1901
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.