aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

humne dil uske tain nazr guzara apna

Farasat Rizwi

humne dil uske tain nazr guzara apna

Farasat Rizwi

MORE BYFarasat Rizwi

    ham ne dil us ke ta.iiñ nazr guzārā apnā

    us ne samjhā na sar-e-bazm ishārā apnā

    kyā pukārūñ ki sadā bhī na vahāñ jā.egī

    jaane kis des gayā yaar vo pyārā apnā

    le gayā duur use ḳhvāb-e-adam afsūñ

    niiñd se phir na uThā anjuman-ārā apnā

    umr ke saath judā hote chale jā.eñge yaar

    kam nahīñ hogā kisī taur ḳhasārā apnā

    lauT kar aa.e to bastī hai na tālāb na baaġh

    ham yahīñ chhoḌ ga.e the vo nazārā apnā

    shaam hote bhaTakte the use dekhne ko

    usī tārīk galī meñ thā sitārā apnā

    ġham hue aise ki aatā nahīñ koī javāb

    naam le le ke bahut ham ne pukārā apnā

    ye jo galiyāñ haiñ mire shahr haiñ merī rafīq

    unhī galiyoñ meñ bahut vaqt guzārā apnā

    ham vo bīmār-e-anā haiñ ki hue jis se ḳhafā

    us ko chehra bhī dikhāyā na dobārā apnā

    bārhā pesh huā ḳhil.at-e-shāhī ham ko

    ham ne malbūs-e-gadā.ī na utārā apnā

    kyā ḳhabar ban ga.ī kis tarah ġhazal sūrat

    ham ne to dard kāġhaz pe utārā apnā

    yā-alī kahne se haT jaate haiñ raste se pahāḌ

    ik yahī naam hai mushkil meñ sahārā apnā

    hum ne dil us ke tain nazr guzara apna

    us ne samjha na sar-e-bazm ishaara apna

    kya pukarun ki sada bhi na wahan jaegi

    jaane kis des gaya yar wo pyara apna

    le gaya dur use KHwab-e-adam ka afsun

    nind se phir na uTha anjuman-ara apna

    umr ke sath juda hote chale jaenge yar

    kam nahin hoga kisi taur KHasara apna

    lauT kar aae to basti hai na talab na bagh

    hum yahin chhoD gae the wo nazara apna

    sham hote hi bhaTakte the use dekhne ko

    usi tarik gali mein tha sitara apna

    gham hue aise ki aata hi nahin koi jawab

    nam le le ke bahut hum ne pukara apna

    ye jo galiyan hain mere shahr ki hain meri rafiq

    unhi galiyon mein bahut waqt guzara apna

    hum wo bimar-e-ana hain ki hue jis se KHafa

    us ko chehra bhi dikhaya na dobara apna

    barha pesh hua KHilat-e-shahi hum ko

    hum ne malbus-e-gadai na utara apna

    kya KHabar ban gai kis tarah ghazal ki surat

    hum ne to dard hi kaghaz pe utara apna

    ya-ali kahne se haT jate hain raste se pahaD

    ek yahi nam hai mushkil mein sahaara apna

    Source:

    Kitab-e-Rafta (Pg. 64)

    • Author: Firasat Rizvi
      • Edition: 2007
      • Publisher: Academy Bazyaft, Karachi Pakistan
      • Year of Publication: 2007
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now