humne har gham dil-e-sad-chaak se bahar rakkha

ham ne har ġham dil-e-sad-chāk se bāhar rakkhā

aag ko pairahan-e-ḳhāk se bāhar rakkhā

zeb-e-tan ham ne bhī kar rakkhī ye duniyā lekin

tere har rañg ko poshāk se bāhar rakkhā

ḳhvāb-dar-ḳhvāb tujhe DhūñDne vāloñ ne bhī ab

niiñd ko dīda-e-namnāk se bāhar rakkhā

ik tarah dhyān hī aisā ki jise ham ne yahāñ

naf.a nuqsān ke pechāk se bāhar rakkhā

ujrat-e-ishq bahut kam thī sau ham ne 'shahzād'

dil ko is tangī-e-aflāk se bāhar rakkhā

hum ne har gham dil-e-sad-chaak se bahar rakkha

aag ko pairahan-e-KHak se bahar rakkha

zeb-e-tan hum ne bhi kar rakkhi ye duniya lekin

tere har rang ko poshak se bahar rakkha

KHwab-dar-KHwab tujhe DhunDne walon ne bhi ab

nind ko dida-e-namnak se bahar rakkha

ek tarah dhyan hi aisa ki jise hum ne yahan

nafa nuqsan ke pechaak se bahar rakkha

ujrat-e-ishq bahut kam thi sau hum ne 'shahzad'

dil ko is tangi-e-aflak se bahar rakkha