humne jo apne adl ki talwar Tang di

ham ne jo apne 'adl kī talvār Taañg dī

ab lag rahā hai jaise ki bekār Taañg dī

is paar Tāñgnī thī jo us paar Taañg dī

tasvīr-e-yār kyoñ pas-e-dīvār Taañg dī

pūchhā jo maiñ ne daam vafā aur ḳhulūs kā

qīmat ke saath us ne bhī miqdār Taañg dī

lahrā ke apnī reshmī zulf-e-siyāh meñ

merī tamām shoḳhī-e-guftār Taañg dī

karne lagā jo tark-e-ta'alluq se guftugū

gardan meñ mere kākul-e-ḳhamdār Taañg dī

dil se nikāl dūñgā maiñ tasvīr-e-bevafā

har baar utārtā rahā har baar Taañg dī

dī maut se baḌī sazā us ne salīb se

mujh ko utaar kar mirī dastār Taañg dī

hum ne jo apne 'adl ki talwar Tang di

ab lag raha hai jaise ki bekar Tang di

is par Tangni thi jo us par Tang di

taswir-e-yar kyon pas-e-diwar Tang di

puchha jo main ne dam wafa aur KHulus ka

qimat ke sath us ne bhi miqdar Tang di

lahra ke apni reshmi zulf-e-siyah mein

meri tamam shoKHi-e-guftar Tang di

karne laga jo tark-e-ta'alluq se guftugu

gardan mein mere kakul-e-KHamdar Tang di

dil se nikal dunga main taswir-e-bewafa

har bar utarta raha har bar Tang di

di maut se baDi saza us ne salib se

mujh ko utar kar meri dastar Tang di