humne KHak-e-dar-e-mahbub jo chehre pe mali

ham ne ḳhāk-e-dar-e-mahbūb jo chehre pe malī

qissa-e-dard chhiḌā baat se phir baat chalī

kis tarah samjhūñ mirā ishq hai sargarm-e-safar

raah bedār huī hai na kahīñ sham.a jalī

dil ko bahlā.eñ ki qadmoñ ko sambhāleñ ham log

jab na.e moḌ pe pahuñche haiñ to ye shaam Dhalī

ye mire naqsh-e-qadam vaqt se miT sakte haiñ

apne siine se lagā.e hai jinheñ terī galī

ham ne har tār-e-garebāñ ko banāyā dāman

terī yādoñ ko liye bād-e-bahārī jo chalī

mujh ko is barq se bas itnā hī shikva hai 'sabā'

āshiyāñ jal gayā kyuuñ shāḳh-e-nasheman na jalī

hum ne KHak-e-dar-e-mahbub jo chehre pe mali

qissa-e-dard chhiDa baat se phir baat chali

kis tarah samjhun mera ishq hai sargarm-e-safar

rah bedar hui hai na kahin shama jali

dil ko bahlaen ki qadmon ko sambhaalen hum log

jab nae moD pe pahunche hain to ye sham Dhali

ye mere naqsh-e-qadam waqt se miT sakte hain

apne sine se lagae hai jinhen teri gali

hum ne har tar-e-gareban ko banaya daman

teri yaadon ko liye baad-e-bahaari jo chali

mujh ko is barq se bas itna hi shikwa hai 'saba'

aashiyan jal gaya kyun shaKH-e-nasheman na jali