humne likhi hai lahu se dastan to kya hua

ham ne likhī hai lahū se dāstāñ to kyā huā

is pe hairāñ gar nahīñ kaun-o-makāñ to kyā huā

saath baabā ke khilaune lene ghar se thā chalā

koī e.azāz-e-yatīmī jo de vaañ to kyā huā

log kahte the ki aise ġham meñ ye bhī rote haiñ

jo nahīñ ro.e zamīn-o-āsmāñ to kyā huā

mere baabā merī ammāñ merī aapī ke sivā

hai milā insāf bhī mujh ko yahāñ to kyā huā

chashm-e-girya ashkoñ kā sailāb to ab tham chukā

baad phir haiñ lekin ab dariyā ravāñ to kyā huā

ik zamāna thā ki bol uThte the aksar be-zabāñ

bolne qābil nahīñ ahl-e-zabāñ to kyā huā

merī duniyā meñ lagī jo aag to sab jal gayā

raakh se hasrat hai uTThe bhī dhuāñ to kyā huā

hum ne likhi hai lahu se dastan to kya hua

is pe hairan gar nahin kaun-o-makan to kya hua

sath baba ke khilaune lene ghar se tha chala

koi eazaz-e-yatimi jo de wan to kya hua

log kahte the ki aise gham mein ye bhi rote hain

jo nahin roe zamin-o-asman to kya hua

mere baba meri amman meri aapi ke siwa

hai mila insaf bhi mujh ko yahan to kya hua

chashm-e-girya ashkon ka sailab to ab tham chuka

baad phir hain lekin ab dariya rawan to kya hua

ek zamana tha ki bol uThte the aksar be-zaban

bolne qabil nahin ahl-e-zaban to kya hua

meri duniya mein lagi jo aag to sab jal gaya

rakh se hasrat hai uTThe bhi dhuan to kya hua