humne mana hamein barbaad karegi duniya

ham ne maanā hameñ barbād karegī duniyā

kar ke barbād magar yaad karegī duniyā

jab use zulm-o-sitam hī meñ maza aatā hai

kisī nāshād ko kyā shaad karegī duniyā

dekhnā ye hai ki ham ahl-e-junūñ par kab tak

nit na.e tarz kī bedād karegī duniyā

aaj tū apnī karāmāt pe itrātī hai

kal magar aap hī fariyād karegī duniyā

dushmanī hai use arbāb-e-vafā se lekin

ye na hoñge to inheñ yaad karegī duniyā

nahīñ ma.alūm yūñhī ḳhud ko kahāñ tak 'manshā'

qaid-e-aḳhlāq se āzād karegī duniyā

hum ne mana hamein barbaad karegi duniya

kar ke barbaad magar yaad karegi duniya

jab use zulm-o-sitam hi mein maza aata hai

kisi nashad ko kya shad karegi duniya

dekhna ye hai ki hum ahl-e-junun par kab tak

nit nae tarz ki bedad karegi duniya

aaj tu apni karamat pe itraati hai

kal magar aap hi fariyaad karegi duniya

dushmani hai use arbab-e-wafa se lekin

ye na honge to inhen yaad karegi duniya

nahin malum yunhi KHud ko kahan tak 'mansha'

qaid-e-aKHlaq se aazad karegi duniya