humne sab sher mein sanware the

Faiz Ahmad Faiz

humne sab sher mein sanware the

Faiz Ahmad Faiz

MORE BYFaiz Ahmad Faiz

    Interesting Fact

    Composed in 1972.

    ham ne sab sher meñ sañvāre the

    ham se jitne suḳhan tumhāre the

    rañg-o-ḳhushbū ke husn-o-ḳhūbī ke

    tum se the jitne isti.āre the

    tere qaul-o-qarār se pahle

    apne kuchh aur bhī sahāre the

    jab vo la.al-o-gohar hisāb kiye

    jo tire ġham ne dil pe vaare the

    mere dāman meñ aa gire saare

    jitne tasht-e-falak meñ taare the

    umr-e-jāved duā karte

    'faiz' itne vo kab hamāre the

    hum ne sab sher mein sanware the

    hum se jitne suKHan tumhaare the

    rang-o-KHushbu ke husn-o-KHubi ke

    tum se the jitne istiare the

    tere qaul-o-qarar se pahle

    apne kuchh aur bhi sahaare the

    jab wo lal-o-gohar hisab kiye

    jo tere gham ne dil pe ware the

    mere daman mein aa gire sare

    jitne tasht-e-falak mein tare the

    umr-e-jawed ki dua karte

    'faiz' itne wo kab hamare the

    Videos
    This video is playing from YouTube

    Videos
    This video is playing from YouTube

    Faiz Ahmad Faiz

    Faiz Ahmad Faiz

    Abida Parveen

    Abida Parveen

    Source :
    • Book : Nuskha Hai Wafa (Pg. 518)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY