humne thama yaqin ko guman chhoD kar

Adeel Zaidi

humne thama yaqin ko guman chhoD kar

Adeel Zaidi

MORE BYAdeel Zaidi

    ham ne thāmā yaqīñ ko gumāñ chhoḌ kar

    ik taraf ho ga.e darmiyāñ chhoḌ kar

    dil na maanā ji.eñ kahkashāñ chhoḌ kar

    ke baste kahāñ ḳhāndāñ chhoḌ kar

    apnā ghar chhoḌ kar bastiyāñ chhoḌ kar

    be-amāñ ho ga.e ham amaañ chhoḌ kar

    so ga.e beach meñ dāstāñ chhoḌ kar

    ham alag ho ga.e kārvāñ chhoḌ kar

    kaise nādāñ the ham sab kahāñ aa ga.e

    apne ābāo-jad ke makāñ chhoḌ kar

    saath chalte rahe ye na sochā kabhī

    kaun jā.egā kis ko kahāñ chhoḌ kar

    aaj bhī muntazir ham vahīñ haiñ tire

    kal gayā thā hameñ to jahāñ chhoḌ kar

    raah apnī nikālī to manzil milī

    ham chale jāda-e-rahbarāñ chhoḌ kar

    hai ye ma.alūm gar jism-o-jāñ se ga.e

    sab chale jā.eñge mehrbāñ chhoḌ kar

    gar tumhārī tamannā hai daa.im raho

    jaao zehnoñ meñ raushan nishāñ chhoḌ kar

    tum to tanhā hue jīte-jī 'adīl'

    log jaate haiñ tanhā jahāñ chhoḌ kar

    hum ne thama yaqin ko guman chhoD kar

    ek taraf ho gae darmiyan chhoD kar

    dil na mana jien kahkashan chhoD kar

    ja ke baste kahan KHandan chhoD kar

    apna ghar chhoD kar bastiyan chhoD kar

    be-aman ho gae hum aman chhoD kar

    so gae beach mein dastan chhoD kar

    hum alag ho gae karwan chhoD kar

    kaise nadan the hum sab kahan aa gae

    apne aabao-jad ke makan chhoD kar

    sath chalte rahe ye na socha kabhi

    kaun jaega kis ko kahan chhoD kar

    aaj bhi muntazir hum wahin hain tere

    kal gaya tha hamein to jahan chhoD kar

    rah apni nikali to manzil mili

    hum chale jada-e-rahbaran chhoD kar

    hai ye malum gar jism-o-jaan se gae

    sab chale jaenge mehrban chhoD kar

    gar tumhaari tamanna hai daim raho

    jao zehnon mein raushan nishan chhoD kar

    tum to tanha hue jite-ji hi 'adil'

    log jate hain tanha jahan chhoD kar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY