humne to ujaD aur basti dekhi

ham ne to ujaaḌ aur bastī dekhī

duniyā kī sabhī buland aur pastī dekhī

sūrat pe ḳhayāl apnī aayā jis dam

yak lahza habāb-vār pastī dekhī

kitnoñ ke ma.āsh kī durustī dekhī

kitnoñ kī ba-ḳhāna fāqa-mastī dekhī

duniyā hai basān qahba ḳhush-dil ġhamgīñ

rotī hai kabhī kabhī to hañstī dekhī

jis dast kī maiñ darāz-dastī dekhī

is dast kī āḳhirash shikastī dekhī

jis ne bastam kiyā makāñ ko ta.amīr

dīvār phir us makāñ kī khisaktī dekhī

bā-vasf ayaañ hai lek ba.azī ḳhilqat

is shoḳh kī diid ko tarastī dekhī

ye turfa hai mājrā ki ka.aba-e-dil meñ

'āfrīdī' kī ham ne but-parastī dekhī

hum ne to ujaD aur basti dekhi

duniya ki sabhi buland aur pasti dekhi

surat pe KHayal apni aaya jis dam

yak lahza habab-war pasti dekhi

kitnon ke maash ki durusti dekhi

kitnon ki ba-KHana faqa-masti dekhi

duniya hai basan qahba KHush-dil ghamgin

roti hai kabhi kabhi to hansti dekhi

jis dast ki main daraaz-dasti dekhi

is dast ki aaKHirash shikasti dekhi

jis ne bastam kiya makan ko tamir

diwar phir us makan ki khisakti dekhi

ba-wasf ayan hai lek bazi KHilqat

is shoKH ki did ko tarasti dekhi

ye turfa hai majra ki kaba-e-dil mein

'afridi' ki hum ne but-parasti dekhi