humne us shoKH ki ranai qamat dekhi

ham ne us shoḳh kī ra.anā.ī qāmat dekhī

chaltī phirtī huī tasvīr-e-qayāmat dekhī

mohtasib jām-o-subū ghar meñ hamāre nikle

ham ne ye hazrat-e-zāhid kī karāmat dekhī

maiñ chalā dil kā janāza jo baġhal meñ le kar

bole maiñ ne yahī chaltī huī turbat dekhī

ham ga.e sū-e-adam tū na vahāñ se aayā

nāma-bar raah tirī tā-dam-e-rehlat dekhī

hai ye ta.abīr ki qad par tire āshiq hoñge

ḳhvāb meñ hazrat-e-zāhid ne qayāmat dekhī

aa ga.ī yaad mujhe vā.iz-o-nāseh kī 'vasīm'

zer-e-turbat jo nakīrain kī sūrat dekhī

hum ne us shoKH ki ranai qamat dekhi

chalti phirti hui taswir-e-qayamat dekhi

mohtasib jam-o-subu ghar mein hamare nikle

hum ne ye hazrat-e-zahid ki karamat dekhi

main chala dil ka janaza jo baghal mein le kar

bole main ne yahi chalti hui turbat dekhi

hum gae su-e-adam tu na wahan se aaya

nama-bar rah teri ta-dam-e-rehlat dekhi

hai ye tabir ki qad par tere aashiq honge

KHwab mein hazrat-e-zahid ne qayamat dekhi

aa gai yaad mujhe waiz-o-naseh ki 'wasim'

zer-e-turbat jo nakirain ki surat dekhi