humne ye baat sab ki zaban se suni to hai

ham ne ye baat sab kī zabāñ se sunī to hai

is vaqt uljhanoñ meñ har ik aadmī to hai

ham ko safīr-e-shahr-e-vafā māntī to hai

duniyā ye ham ko jāntī pahchāntī to hai

qārūn kā ḳhazāna maiñ le kar karūñgā kyā

mujh ko kisī ke pyaar kī daulat milī to hai

ummīd kā charāġh jalātā huuñ is liye

ummīd ke charāġh meñ kuchh raushnī to hai

har shaḳhs kah rahā hai burā mujh ko shahr meñ

mujh meñ zarūr koī na koī kamī to hai

parde meñ tum hañsī ke chhupāo hazār ġham

lekin tumhārī āñkhoñ meñ 'sāhir' namī to hai

hum ne ye baat sab ki zaban se suni to hai

is waqt uljhanon mein har ek aadmi to hai

hum ko safir-e-shahr-e-wafa manti to hai

duniya ye hum ko jaanti pahchanti to hai

qarun ka KHazana main le kar karunga kya

mujh ko kisi ke pyar ki daulat mili to hai

ummid ka charagh jalata hun is liye

ummid ke charagh mein kuchh raushni to hai

har shaKHs kah raha hai bura mujh ko shahr mein

mujh mein zarur koi na koi kami to hai

parde mein tum hansi ke chhupao hazar gham

lekin tumhaari aankhon mein 'sahir' nami to hai