ham-safar hai na ham-navā koī
hogā ham sā shikasta-pā koī
ik nazar kyā milā gayā koī
ik qayāmat uThā gayā koī
dekho nazreñ churā ke mat jaao
tum ko kah de na bevafā koī
dard dete ho do magar aisā
jis kī phir ho na intihā koī
jis rah-e-ishq par chalā huuñ maiñ
ibtidā hai na intihā koī
sar to ḳhud jhuk gayā hai sajde meñ
jab tasavvur meñ aa gayā koī
mujh ko sajdoñ se kuchh gurez nahīñ
ho na jaa.e magar ḳhudā koī
maiñ batā.ūñgā manziloñ kā patā
mujh se pūchhe to rāsta koī
ham-safar hai na ham-nawa koi
hoga hum sa shikasta-pa koi
ek nazar kya mila gaya koi
ek qayamat uTha gaya koi
dekho nazren chura ke mat jao
tum ko kah de na bewafa koi
dard dete ho do magar aisa
jis ki phir ho na intiha koi
jis rah-e-ishq par chala hun main
ibtida hai na intiha koi
sar to KHud jhuk gaya hai sajde mein
jab tasawwur mein aa gaya koi
mujh ko sajdon se kuchh gurez nahin
ho na jae magar KHuda koi
main bataunga manzilon ka pata
mujh se puchhe to rasta koi
Source:
Soo-e-Ghazal (Pg. 95)
-
Author:
Panna Lal Noor
-
- Publisher: Madhya Pradesh Urdu Academy, Bhopal
- Year of Publication: 1985
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.