hum sakun paenge salmaon mein kya

ham sakūñ pā.eñge salmāoñ meñ kyā

ḳhushbuoñ kā qaht hai gaañv meñ kyā

kam nahīñ gahre samundar se jo dil

vo bhalā Dūbegā dariyāoñ meñ kyā

har taraf raushan haiñ yādoñ ke kalas

ghir ga.e haiñ ham kalīsāoñ meñ kyā

jin kī āñkhoñ meñ hai nīñdoñ kā ġhubār

raushnī pā.eñge sahrāoñ meñ kyā

raat din qarnoñ se huuñ garm-e-safar

ek chakkar hai mire paañv meñ kyā

dhuup to badnām hai yūñhī 'razā'

phuul murjhāte nahīñ chhāñv meñ kyā

hum sakun paenge salmaon mein kya

KHushbuon ka qaht hai ganw mein kya

kam nahin gahre samundar se jo dil

wo bhala Dubega dariyaon mein kya

har taraf raushan hain yaadon ke kalas

ghir gae hain hum kalisaon mein kya

jin ki aankhon mein hai nindon ka ghubar

raushni paenge sahraon mein kya

raat din qarnon se hun garm-e-safar

ek chakkar hai mere panw mein kya

dhup to badnam hai yunhi 'raza'

phul murjhate nahin chhanw mein kya