humse ruKHsar wo lab bhul gae

ham se ruḳhsār vo lab bhuul ga.e

zindagī karne kā Dhab bhuul ga.e

rāt-din mahv rahā karte the

jaane kyā thī vo talab bhuul ga.e

aa gayā sar pe Dhaltā sūraj

raat ke shor-o-shaġhab bhuul ga.e

ranj-e-mahrūmī-e-dil yaad rahā

raunaq-e-bazm-e-tarab bhuul ga.e

naqsh-e-dīvār bane baiThe haiñ

yaad itnā hai ki sab bhuul ga.e

zindagī bigḌī to aisī bigḌī

jo bhī the rañj-o-ta.ab bhuul ga.e

dil meñ kyā kyā na the armān 'salām'

shukr sad shukr ki sab bhuul ga.e

hum se ruKHsar wo lab bhul gae

zindagi karne ka Dhab bhul gae

raat-din mahw raha karte the

jaane kya thi wo talab bhul gae

aa gaya sar pe Dhalta suraj

raat ke shor-o-shaghab bhul gae

ranj-e-mahrumi-e-dil yaad raha

raunaq-e-bazm-e-tarab bhul gae

naqsh-e-diwar bane baiThe hain

yaad itna hai ki sab bhul gae

zindagi bigDi to aisi bigDi

jo bhi the ranj-o-tab bhul gae

dil mein kya kya na the arman 'salam'

shukr sad shukr ki sab bhul gae