humse shayad hi kabhi uski shanasai ho

ham se shāyad hī kabhī us kī shanāsā.ī ho

dil ye chāhe hai ki shohrat ho na rusvā.ī ho

vo thakan hai ki badan ret kī dīvār sā hai

dushman-e-jāñ hai vo pachhuā ho ki purvā.ī ho

ham vahāñ kyā nigah-e-shauq ko sharminda kareñ

shahr kā shahr jahāñ us kā tamāshā.ī ho

dard kaisā jo Dubo.e na bahā le jaa.e

kyā nadī jis meñ ravānī ho na gahrā.ī ho

kuchh to ho jo tujhe mumtāz kare auroñ se

jaan lene kā hunar ho ki masīhā.ī ho

tum samajhte ho jise sañg-e-malāmat 'irfān'

kyā ḳhabar vo bhī koī rasm-e-pazīrā.ī ho

hum se shayad hi kabhi us ki shanasai ho

dil ye chahe hai ki shohrat ho na ruswai ho

wo thakan hai ki badan ret ki diwar sa hai

dushman-e-jaan hai wo pachhua ho ki purwai ho

hum wahan kya nigah-e-shauq ko sharminda karen

shahr ka shahr jahan us ka tamashai ho

dard kaisa jo Duboe na baha le jae

kya nadi jis mein rawani ho na gahrai ho

kuchh to ho jo tujhe mumtaz kare auron se

jaan lene ka hunar ho ki masihai ho

tum samajhte ho jise sang-e-malamat 'irfan'

kya KHabar wo bhi koi rasm-e-pazirai ho