hum taza-bahaaron ka paigham tumhein denge

ham tāza-bahāroñ kā paiġhām tumheñ deñge

kuchh ḳhvāb bhī chun chun kar har shaam tumheñ deñge

jo ghūmte phirte haiñ ḳhush-rang libāsoñ meñ

ḳhud jurm kareñge aur ilzām tumheñ deñge

ik azm-e-safar hai shart aur kufr hai māyūsī

peḌoñ ke ghane saa.e ārām tumheñ deñge

dhartī pe ubharne kā tum azm karo pahle

ham chāñd sitāroñ kā in.aam tumheñ deñge

uljhan meñ paḌe kyoñ ho tum apnī kahānī kā

āġhāz sunāo to anjām tumheñ deñge

ik dhuup mire muñh par kyā pheñkī hai zālim ne

va.ada thā ki nazzāre har gaam tumheñ deñge

haañ jazba-e-īmāñ kī tasdīq to ho pahle

va.ada hai ki kausar kā ik jaam tumheñ deñge

aaya hai parakhne kā phir vaqt 'jamāl' ik baar

auroñ se na hotā ho vo kaam tumheñ deñge

hum taza-bahaaron ka paigham tumhein denge

kuchh KHwab bhi chun chun kar har sham tumhein denge

jo ghumte phirte hain KHush-rang libason mein

KHud jurm karenge aur ilzam tumhein denge

ek azm-e-safar hai shart aur kufr hai mayusi

peDon ke ghane sae aaram tumhein denge

dharti pe ubharne ka tum azm karo pahle

hum chand sitaron ka inam tumhein denge

uljhan mein paDe kyon ho tum apni kahani ka

aaghaz sunao to anjam tumhein denge

ek dhup mere munh par kya phenki hai zalim ne

wada tha ki nazzare har gam tumhein denge

han jazba-e-iman ki tasdiq to ho pahle

wada hai ki kausar ka ek jam tumhein denge

aaya hai parakhne ka phir waqt 'jamal' ek bar

auron se na hota ho wo kaam tumhein denge