hum tere aalam-e-wahshat mein sahaare hue hain

ham tire ālam-e-vahshat meñ sahāre hue haiñ

vaqt badlā to hamīñ pahle kināre hue haiñ

muntazir aaj bhī haiñ takte haiñ terā rasta

ek muddat se miyāñ tujh ko pukāre hue haiñ

hijr meñ tere jo nikle haiñ mirī aañkh se ashk

gir paḌe jab ye zamīñ par to sitāre hue haiñ

rūThne kā tire ab dukh nahīñ hogā ham ko

ham isī karb meñ ik umr guzāre hue haiñ

kabhī ye shahr shanāsā bhī huā kartā thā

ab yahāñ sab ke sab ehsās ke maare hue haiñ

ne.amat-e-ishq mayassar nahīñ aatī sab ko

sāhab-e-zar bhī yahāñ haath pasāre hue haiñ

hum tere aalam-e-wahshat mein sahaare hue hain

waqt badla to hamin pahle kinare hue hain

muntazir aaj bhi hain takte hain tera rasta

ek muddat se miyan tujh ko pukare hue hain

hijr mein tere jo nikle hain meri aankh se ashk

gir paDe jab ye zamin par to sitare hue hain

ruThne ka tere ab dukh nahin hoga hum ko

hum isi karb mein ek umr guzare hue hain

kabhi ye shahr shanasa bhi hua karta tha

ab yahan sab ke sab ehsas ke mare hue hain

neamat-e-ishq mayassar nahin aati sab ko

sahab-e-zar bhi yahan hath pasare hue hain