hum tere gham ko jo purkar bana kar uTThe

ham tire ġham ko jo purkār banā kar uTThe

nafas-e-garm ko talvār banā kar uTThe

aao ham hañste uTheñ bazm-e-dil-āzārāñ se

kaun ehsās ko bīmār banā kar uTThe

raat bhar tajraba-e-ḳhūn-e-jigar ham ne kiyā

sub.h-dam dasht ko gulzār banā kar uTThe

mahfil-e-rāz meñ ham sah ga.e har vahm kī choT

āḳhir ik ishq kā me.aar banā kar uTThe

un nigāhoñ kā taqāzā-e-suḳhan yuuñ thā ki ham

be-zabānī ko bhī ash.ār banā kar uTThe

jab pa.e-fikr-e-suḳhan ham kabhī baiThe 'kausar'

sher ko misr kā bāzār banā kar uTThe

hum tere gham ko jo purkar bana kar uTThe

nafas-e-garm ko talwar bana kar uTThe

aao hum hanste uThen bazm-e-dil-azaran se

kaun ehsas ko bimar bana kar uTThe

raat bhar tajraba-e-KHun-e-jigar hum ne kiya

subh-dam dasht ko gulzar bana kar uTThe

mahfil-e-raaz mein hum sah gae har wahm ki choT

aaKHir ek ishq ka mear bana kar uTThe

un nigahon ka taqaza-e-suKHan yun tha ki hum

be-zabani ko bhi ashaar bana kar uTThe

jab pae-fikr-e-suKHan hum kabhi baiThe 'kausar'

sher ko misr ka bazar bana kar uTThe