hum tere husn-e-jahan-tab se Dar jate hain

Abbas Rizvi

hum tere husn-e-jahan-tab se Dar jate hain

Abbas Rizvi

MORE BYAbbas Rizvi

    ham tire husn-e-jahāñ-tāb se Dar jaate haiñ

    aise muflis haiñ ki asbāb se Dar jaate haiñ

    ḳhauf aisā hai ki duniyā ke satā.e hue log

    kabhī mimbar kabhī mehrāb se Dar jaate haiñ

    raat ke pichhle pahar niiñd meñ chalte hue log

    ḳhuun hote hue mahtāb se Dar jaate haiñ

    shaad rahte haiñ isī jāma-e-uryānī meñ

    haañ magar atlas-o-kamḳhvāb se Dar jaate haiñ

    kabhī karte haiñ mubāraz-e-talabī duniyā se

    aur kabhī ḳhvāhish-e-betāb se Dar jaate haiñ

    to kahtā hai ki chaliye usī kūche taraf

    ham tirī bazm ke ādāb se Dar jaate haiñ

    ham to vo haiñ ki jinheñ raas nahīñ koī nagar

    kabhī sāhil kabhī girdāb se Dar jaate haiñ

    hum tere husn-e-jahan-tab se Dar jate hain

    aise muflis hain ki asbab se Dar jate hain

    KHauf aisa hai ki duniya ke satae hue log

    kabhi mimbar kabhi mehrab se Dar jate hain

    raat ke pichhle pahar nind mein chalte hue log

    KHun hote hue mahtab se Dar jate hain

    shad rahte hain isi jama-e-uryani mein

    han magar atlas-o-kamKHwab se Dar jate hain

    kabhi karte hain mubaraz-e-talabi duniya se

    aur kabhi KHwahish-e-betab se Dar jate hain

    ji to kahta hai ki chaliye usi kuche ki taraf

    hum teri bazm ke aadab se Dar jate hain

    hum to wo hain ki jinhen ras nahin koi nagar

    kabhi sahil kabhi girdab se Dar jate hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY