hum un ke sitam ko bhi karam jaan rahe hain

ham un ke sitam ko bhī karam jaan rahe haiñ

aur vo haiñ ki is par bhī burā maan rahe haiñ

ye lutf to dekho ki vo mahfil meñ mirī samt

nigarāñ haiñ ki jaise mujhe pahchān rahe haiñ

ham ko bhī to vā'iz hai bad o nek meñ tamīz

ham bhī to kabhī sāhib-e-īmān rahe haiñ

mumkin hai ki ik roz tirī zulf bhī chhū leñ

vo haath jo masrūf-e-garebān rahe haiñ

ye sach hai ki bande ko ḳhudā dahr meñ yuuñ to

maanā nahīñ jaatā hai magar maan rahe haiñ

vo aa.e haiñ is taur se ḳhalvat meñ mire paas

jaise ki na aane pe pashemān rahe haiñ

hum un ke sitam ko bhi karam jaan rahe hain

aur wo hain ki is par bhi bura man rahe hain

ye lutf to dekho ki wo mahfil mein meri samt

nigaran hain ki jaise mujhe pahchan rahe hain

hum ko bhi to wa'iz hai bad o nek mein tamiz

hum bhi to kabhi sahib-e-iman rahe hain

mumkin hai ki ek roz teri zulf bhi chhu len

wo hath jo masruf-e-gareban rahe hain

ye sach hai ki bande ko KHuda dahr mein yun to

mana nahin jata hai magar man rahe hain

wo aae hain is taur se KHalwat mein mere pas

jaise ki na aane pe pasheman rahe hain