hum un ko haal-e-dil apna sunae jate hain

ham un ko hāl-e-dil apnā sunā.e jaate haiñ

vo baiThe sunte haiñ aur muskurā.e jaate haiñ

vo ba.ad-e-qatl bhī ḳhanjar lagā.e jaate haiñ

shahīd-e-nāz kī shaukat baḌhā.e jaate haiñ

ḳhamosh mahfil-e-a.adā meñ duur baiThe haiñ

ġhazab hai to bhī vo āñkhoñ meñ khaa.e jaate haiñ

ye infi.āl hai kis kis jafā-garī ke 'evaz

ki baat baat meñ vo muñh chhupā.e jaate haiñ

samajh hai gayā maiñ kahūñgā na kuchh ḳhudā kī qasam

sharāb aap mujhe kyuuñ pilā.e jaate haiñ

ye bazm-e-yār meñ hai qadr-o-manzilat 'raunaq'

ki aa.e koī vahāñ ham uThā.e jaate haiñ

hum un ko haal-e-dil apna sunae jate hain

wo baiThe sunte hain aur muskurae jate hain

wo baad-e-qatl bhi KHanjar lagae jate hain

shahid-e-naz ki shaukat baDhae jate hain

KHamosh mahfil-e-ada mein dur baiThe hain

ghazab hai to bhi wo aankhon mein khae jate hain

ye infial hai kis kis jafa-gari ke 'ewaz

ki baat baat mein wo munh chhupae jate hain

samajh hai gaya main kahunga na kuchh KHuda ki qasam

sharab aap mujhe kyun pilae jate hain

ye bazm-e-yar mein hai qadr-o-manzilat 'raunaq'

ki aae koi wahan hum uThae jate hain