hum un se mil ke unhi ke asar mein rahte hain

ham un se mil ke unhī ke asar meñ rahte haiñ

safar se aa ke bhī jaise safar meñ rahte haiñ

vo qahqahe jinheñ hoñToñ kā dar nasīb nahīñ

vo ashk ban ke mirī chashm-e-tar meñ rahte haiñ

hamāre ishq ke tohfe ko ehtiyāt se rakh

bahut se lauTne vaale nagar meñ rahte haiñ

bhulā.egā koī kaise karam rafīqoñ ke

ye tiir vo haiñ jo har-dam jigar meñ rahte haiñ

na maañ kā pyaar mayassar na apne ghar kā sakūñ

vo kaise log haiñ jā kar qatar meñ rahte haiñ

hasīñ misāl hai bāham nibāh kī 'kāvish'

gulāb jitne haiñ kāñToñ ke ghar meñ rahte haiñ

hum un se mil ke unhi ke asar mein rahte hain

safar se aa ke bhi jaise safar mein rahte hain

wo qahqahe jinhen honTon ka dar nasib nahin

wo ashk ban ke meri chashm-e-tar mein rahte hain

hamare ishq ke tohfe ko ehtiyat se rakh

bahut se lauTne wale nagar mein rahte hain

bhulaega koi kaise karam rafiqon ke

ye tir wo hain jo har-dam jigar mein rahte hain

na man ka pyar mayassar na apne ghar ka sakun

wo kaise log hain ja kar qatar mein rahte hain

hasin misal hai baham nibah ki 'kawish'

gulab jitne hain kanTon ke ghar mein rahte hain