hum us se ishq ka izhaar kar ke dekhte hain

ham us se ishq kā iz.hār kar ke dekhte haiñ

kiyā hai jurm to iqrār kar ke dekhte haiñ

hai ishq jañg to phir jiit leñ chalo ham log

hai dariyā aag kā to paar kar ke dekhte haiñ

hai kohsār to nahreñ nikāl deñ is se

hai regzār to gulzār kar ke dekhte haiñ

ham us ko dekhnā chāheñ to kis tarah dekheñ

so us kī yaad ko kirdār kar ke dekhte haiñ

vo hosh-mand agar hai to kar deñ dīvāna

vo be-ḳhabar hai to hushiyār kar ke dekhte haiñ

hamāre sar pe to aatī nahīñ koī dastār

so apne sar ko hī dastār kar ke dekhte haiñ

hum us se ishq ka izhaar kar ke dekhte hain

kiya hai jurm to iqrar kar ke dekhte hain

hai ishq jang to phir jit len chalo hum log

hai dariya aag ka to par kar ke dekhte hain

hai kohsar to nahren nikal den is se

hai regzar to gulzar kar ke dekhte hain

hum us ko dekhna chahen to kis tarah dekhen

so us ki yaad ko kirdar kar ke dekhte hain

wo hosh-mand agar hai to kar den diwana

wo be-KHabar hai to hushiyar kar ke dekhte hain

hamare sar pe to aati nahin koi dastar

so apne sar ko hi dastar kar ke dekhte hain