ham vahī nādāñ haiñ jo ḳhvāboñ ko dhar kar taak par
jāgte hī roz rakh detā hai ḳhud ko chaak par
dil vo dariyā hai jise mausam bhī kartā hai tabāh
kis tarah ilzām dhar deñ ham kisī tairāk par
ham to us ke zehn kī uryāniyoñ par mar miTe
daad agarche de rahe haiñ jism aur poshāk par
ham ba-ḳhūbī jānte haiñ bas hamāre jaate hī
kaise kaise gul khileñge us badan kī ḳhaak par
baat aur bevhār hī se jaan sakte haiñ ise
ilm kī imlā likhī jaatī nahīñ poshāk par
hum wahi nadan hain jo KHwabon ko dhar kar tak par
jagte hi roz rakh deta hai KHud ko chaak par
dil wo dariya hai jise mausam bhi karta hai tabah
kis tarah ilzam dhar den hum kisi tairak par
hum to us ke zehn ki uryaniyon par mar miTe
dad agarche de rahe hain jism aur poshak par
hum ba-KHubi jaante hain bas hamare jate hi
kaise kaise gul khilenge us badan ki KHak par
baat aur bewhaar hi se jaan sakte hain ise
ilm ki imla likhi jati nahin poshak par
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.