hum yunhi roz kisi baat pe aD sakte hain

ham yūñhī roz kisī baat pe aḌ sakte haiñ

is bahāne bhī to ik duuje se laḌ sakte haiñ

jab bhī milte haiñ to ik dil meñ kasak hotī hai

vasl se guzreñge to hijr meñ paḌ sakte haiñ

dekhnā yuuñ maiñ tire dil meñ utar saktā huuñ

mujh ko phande meñ tire nain jakaḌ sakte haiñ

bāteñ sun sakte haiñ jab do Take logoñ kī ham

tirī ḳhātir zamīñ par naak ragaḌ sakte haiñ

dar-ba-dar mere bhaTakne kā yuuñ andāza karo

dhuup meñ rakkhe hue phuul sukaḌ sakte haiñ

bachpane meñ koī bachcha hai bigaḌtā jitnā

ham tire pyaar meñ utnā to bigaḌ sakte haiñ

ek honā hī nahīñ 'shoḳh' to phir mas.ala kyā

ham ne jab pyaar kiyā hai to bichhaḌ sakte haiñ

hum yunhi roz kisi baat pe aD sakte hain

is bahane bhi to ek duje se laD sakte hain

jab bhi milte hain to ek dil mein kasak hoti hai

wasl se guzrenge to hijr mein paD sakte hain

dekhna yun main tere dil mein utar sakta hun

mujh ko phande mein tere nain jakaD sakte hain

baaten sun sakte hain jab do Take logon ki hum

teri KHatir zamin par nak ragaD sakte hain

dar-ba-dar mere bhaTakne ka yun andaza karo

dhup mein rakkhe hue phul sukaD sakte hain

bachpane mein koi bachcha hai bigaDta jitna

hum tere pyar mein utna to bigaD sakte hain

ek hona hi nahin 'shoKH' to phir masala kya

hum ne jab pyar kiya hai to bichhaD sakte hain