hum zamane mein mohabbat ke bhikari Thahre

ham zamāne meñ mohabbat ke bhikārī Thahre

dost haiñ sab ke magar dushman-e-jāñ haiñ apne

aaj kī raat kahīñ sho.ala-e-gul hī bhaḌke

jaane kal sub.h kahāñ hoñge ham uḌte patte

jān-e-man ab ke ye ādāb haiñ tere kaise

bāñkpan merī ġhazal kā tirī mahfil meñ luTe

vo sabā hai to rahe kis liye gulshan se pare

ye shab-e-gul hai to kyuuñ sej pe kāñToñ ke kaTe

kyuuñ phire dasht meñ dīvāne hue kis ke liye

ham ko ma.alūm nahīñ pūchhiye un āñkhoñ se

mar chukīñ kab kī tamannā.eñ sisak kar lekin

dil kī dīvār se rātoñ ko koī sar paTke

kahīñ manzil se bhaTak jaa.e na dīvāna-e-gul

jāda-e-shahr-e-bahārāñ meñ bichhā do kāñTe

Daal dil khol ke in TuuTe hue shīshoñ meñ

sañg aa.e haiñ bahut raah meñ ham par pyāre

ye tirī yaad kā 'ālam shab-e-tanhā.ī meñ

jaise lahrā ke kiran kaalī ghaTā se chhūTe

in bharī rāhoñ meñ sab mere haiñ maiñ kis kā huuñ

duuñ sadā kis ko lage kaun kaleje se mire

kaun utregā mire dil ke gulistānoñ meñ

kaun guzregā mire chehre ke sahrāoñ se

raakh is ghar meñ vo uḌtī hai ki jaise 'hashamī'

taaq meñ sham' na thī sahn meñ mahtāb na the

hum zamane mein mohabbat ke bhikari Thahre

dost hain sab ke magar dushman-e-jaan hain apne

aaj ki raat kahin shoala-e-gul hi bhaDke

jaane kal subh kahan honge hum uDte patte

jaan-e-man ab ke ye aadab hain tere kaise

bankpan meri ghazal ka teri mahfil mein luTe

wo saba hai to rahe kis liye gulshan se pare

ye shab-e-gul hai to kyun sej pe kanTon ke kaTe

kyun phire dasht mein diwane hue kis ke liye

hum ko malum nahin puchhiye un aankhon se

mar chukin kab ki tamannaen sisak kar lekin

dil ki diwar se raaton ko koi sar paTke

kahin manzil se bhaTak jae na diwana-e-gul

jada-e-shahr-e-bahaaran mein bichha do kanTe

Dal dil khol ke in TuTe hue shishon mein

sang aae hain bahut rah mein hum par pyare

ye teri yaad ka 'alam shab-e-tanhai mein

jaise lahra ke kiran kali ghaTa se chhuTe

in bhari rahon mein sab mere hain main kis ka hun

dun sada kis ko lage kaun kaleje se mere

kaun utrega mere dil ke gulistanon mein

kaun guzrega mere chehre ke sahraon se

rakh is ghar mein wo uDti hai ki jaise 'hashami'

taq mein sham' na thi sahn mein mahtab na the