hum zamin par aasman ban kar rahe

ham zamīñ par āsmāñ ban kar rahe

be-zabānoñ kī zabāñ ban kar rahe

jin kā koī ghar na thā aur chhat na thī

un ke sar par sā.ebāñ ban kar rahe

hal jinhoñ ne jote dahqāñ kī tarah

sarhadoñ par vo javāñ ban kar rahe

ham jahāñ par the vahāñ par umr-bhar

bānī-e-amn-o-amāñ ban kar rahe

jin ke andar gum huiiñ nadiyāñ ka.ī

ham vo bahr-e-be-karāñ ban kar rahe

aaj to un kā fazāoñ par hai raaj

kal talak jo sārbāñ ban kar rahe

nek aulādoñ kī ḳhvāhish hai to phir

maañ se kah do vo bhī maañ ban kar rahe

hum zamin par aasman ban kar rahe

be-zabanon ki zaban ban kar rahe

jin ka koi ghar na tha aur chhat na thi

un ke sar par saeban ban kar rahe

hal jinhon ne jote dahqan ki tarah

sarhadon par wo jawan ban kar rahe

hum jahan par the wahan par umr-bhar

bani-e-amn-o-aman ban kar rahe

jin ke andar gum huin nadiyan kai

hum wo bahr-e-be-karan ban kar rahe

aaj to un ka fazaon par hai raj

kal talak jo sarban ban kar rahe

nek auladon ki KHwahish hai to phir

man se kah do wo bhi man ban kar rahe