hamara dil wo gul hai jis ko zulf-e-yar mein dekha
hamārā dil vo gul hai jis ko zulf-e-yār meñ dekhā
jo zulfeñ ho ga.iiñ barham gale ke haar meñ dekhā
bhalā gul kyā tirā ham-sar ho jis kī ye haqīqat hai
abhī gulshan meñ dekhā thā abhī bāzār meñ dekhā
basīrat jab huī paidā hameñ mashq-e-tasavvur se
jo kuchh ḳhalvat meñ dekhā thā abhī bāzār meñ dekhā
chaman meñ ik but-e-nāzuk-adā mahv-e-tamāshā hai
nayā gul aaj ham ne dāman-e-gulzār meñ dekhā
'jalīl' ik naaz kī qīmat dil o jaañ diin o īmāñ hai
ajab andāz ham ne husn ke bāzār meñ dekhā
hamara dil wo gul hai jis ko zulf-e-yar mein dekha
jo zulfen ho gain barham gale ke haar mein dekha
bhala gul kya tera ham-sar ho jis ki ye haqiqat hai
abhi gulshan mein dekha tha abhi bazar mein dekha
basirat jab hui paida hamein mashq-e-tasawwur se
jo kuchh KHalwat mein dekha tha abhi bazar mein dekha
chaman mein ek but-e-nazuk-ada mahw-e-tamasha hai
naya gul aaj hum ne daman-e-gulzar mein dekha
'jalil' ek naz ki qimat dil o jaan din o iman hai
ajab andaz hum ne husn ke bazar mein dekha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
