hamara dilbar-e-gulfam aaya

hamārā dilbar-e-gulfām aayā

qrār-e-jān-e-be-ārām aayā

kamand-e-pech-o-tāb-e-zulf kuuñ khol

shikār-e-dil kuuñ le kar daam aayā

shitābī hosh kuuñ sar siiñ badar kar

junūñ kā mujh taraf paiġhām aayā

kare tā-bulbul-e-dil kuuñ ġhazal-ḳhvāñ

bahār-e-ishq kā hangām aayā

ai zāhid bhaag is zulf-e-siyah siiñ

ye kāfir dushman-e-islām aayā

birah ke mahkame siiñ qatl-e-dil par

piyāda ġham kā le e'alām aayā

huī josh-e-mohabbat siiñ zabāñ band

sanam kā darmiyāñ jab naam aayā

balā hai tujh nigah kī saif kā vaar

dil-e-betāb āḳhir kaam aayā

'sirāj' aane meñ us jādū-nazar ke

shakeb o tāqat o ārām aayā

hamara dilbar-e-gulfam aaya

qrar-e-jaan-e-be-aram aaya

kamand-e-pech-o-tab-e-zulf kun khol

shikar-e-dil kun le kar dam aaya

shitabi hosh kun sar sin badar kar

junun ka mujh taraf paigham aaya

kare ta-bulbul-e-dil kun ghazal-KHwan

bahaar-e-ishq ka hangam aaya

ai zahid bhag is zulf-e-siyah sin

ye kafir dushman-e-islam aaya

birah ke mahkame sin qatl-e-dil par

piyaada gham ka le e'alam aaya

hui josh-e-mohabbat sin zaban band

sanam ka darmiyan jab nam aaya

bala hai tujh nigah ki saif ka war

dil-e-betab aaKHir kaam aaya

'siraj' aane mein us jadu-nazar ke

shakeb o taqat o aaram aaya