hamara ishq salamat hai yani hum abhi hain

Ahmad Ata

hamara ishq salamat hai yani hum abhi hain

Ahmad Ata

MORE BYAhmad Ata

    hamārā ishq salāmat hai ya.anī ham abhī haiñ

    vahī shadīd aziyyat hai ya.anī ham abhī haiñ

    usī purānī kahānī meñ saañs lete haiñ

    vahī purānī mohabbat hai ya.anī ham abhī haiñ

    na jaane kab se dar-e-dāstāñ pe baiThe haiñ

    aur intizār himmat hai ya.anī ham abhī haiñ

    talab ke karb meñ ik marg ke duā-go the

    talab meñ vaisī shiddat hai ya.anī ham abhī haiñ

    kasī ke naam pe ham dostī nibhāte the

    aur ab bhī vaisī shohrat hai ya.anī ham abhī haiñ

    talab baḌhātī chalī rahī hai apnī havas

    so qadre ḳhaam qanā.at hai ya.anī ham abhī haiñ

    kalām-e-'mīr' ke sadqe meñ sher hote haiñ

    jo bait hai so qayāmat hai ya.anī ham abhī haiñ

    ajab ye sher haiñ apne ki jin meñ ham bhī nahīñ

    bas ek ġham sharārat hai ya.anī ham abhī haiñ

    ye ishq peshgī dār-o-rasan ke hañgāme

    ye rañg zinda salāmat hai ya.anī ham abhī haiñ

    amīr-e-shahr hai bechain shaiḳh ḳhauf-zada

    abhī talak ye adāvat hai ya.anī ham abhī haiñ

    na puurī hai na adhūrī ye dāstān-e-alam

    koī sunī hikāyat hai ya.anī ham abhī haiñ

    hamara ishq salamat hai yani hum abhi hain

    wahi shadid aziyyat hai yani hum abhi hain

    usi purani kahani mein sans lete hain

    wahi purani mohabbat hai yani hum abhi hain

    na jaane kab se dar-e-dastan pe baiThe hain

    aur intizar ki himmat hai yani hum abhi hain

    talab ke karb mein ek marg ke dua-go the

    talab mein waisi hi shiddat hai yani hum abhi hain

    kasi ke nam pe hum dosti nibhate the

    aur ab bhi waisi hi shohrat hai yani hum abhi hain

    talab baDhati chali ja rahi hai apni hawas

    so qadre KHam qanaat hai yani hum abhi hain

    kalam-e-'mir' ke sadqe mein sher hote hain

    jo bait hai so qayamat hai yani hum abhi hain

    ajab ye sher hain apne ki jin mein hum bhi nahin

    bas ek gham ki shararat hai yani hum abhi hain

    ye ishq peshgi dar-o-rasan ke hangame

    ye rang zinda salamat hai yani hum abhi hain

    amir-e-shahr hai bechain shaiKH KHauf-zada

    abhi talak ye adawat hai yani hum abhi hain

    na puri hai na adhuri ye dastan-e-alam

    koi suni si hikayat hai yani hum abhi hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now