aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

hamara zikr aur unki zaban se

Athar Ziai

hamara zikr aur unki zaban se

Athar Ziai

MORE BYAthar Ziai

    hamārā zikr aur un zabāñ se

    kahāñ nisbat zamīñ ko āsmāñ se

    kahūñ kyūñkar nazar se nihāñ hai

    patā apnā milā tere nishāñ se

    huā yuuñ bhī ki us samt aksar

    chale aur lauT aa.e darmiyāñ se

    jaleñ jab fasl-e-gul meñ bhī nasheman

    to phir kyā kījiye shikva ḳhizāñ se

    fareb-e-zindagī khā.eñ kahāñ tak

    churā.eñ aañkh marg-e-nā-gahāñ se

    havādis pesh aate haiñ zamīñ ko

    sitāre TūTte haiñ āsmāñ se

    bashar ke mas.ale hal karne shāyad

    farishte ā.eñge ab āsmāñ se

    janāb-e-ḳhizr se pūchheñ kisī din

    milā kyā un umr-e-jāvedāñ se

    dabī hai aag jo siine meñ 'at.har'

    nahīñ kuchh kam kisī ātish-fishāñ se

    hamara zikr aur un ki zaban se

    kahan nisbat zamin ko aasman se

    kahun kyunkar nazar se tu nihan hai

    pata apna mila tere nishan se

    hua yun bhi ki us ki samt aksar

    chale aur lauT aae darmiyan se

    jalen jab fasl-e-gul mein bhi nasheman

    to phir kya kijiye shikwa KHizan se

    fareb-e-zindagi khaen kahan tak

    churaen aankh marg-e-na-gahan se

    hawadis pesh aate hain zamin ko

    sitare TuTte hain aasman se

    bashar ke masale hal karne shayad

    farishte aaenge ab aasman se

    janab-e-KHizr se puchhen kisi din

    mila kya un ki umr-e-jawedan se

    dabi hai aag jo sine mein 'athar'

    nahin kuchh kam kisi aatish-fishan se

    Source:

    Tatheer (Pg. 72)

    • Author: Athar Ziai
      • Publisher: Idara Adab-o-Saqafat, Islamabad
      • Year of Publication: 1991
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now